Haukar - 5.flokkur kvenna

Smá hugleiðing um Faxaflóamótið!

Sælar stelpur og foreldrar,

Örstutt hugleiðing um Faxaflóamótið okkar í dag. Eins og ég bjóst við fyrirfram var þetta nokkur brekka og við áttum í erfiðleikum með þessa sterku andstæðinga.

Ég lít þó á þetta mjög jákvæðum augum því mér fannst undir lokin stelpurnar okkar átta sig aðeins betur á hvernig þarf að spila gegn sterkum liðum, það er að segja að þora að spila undir pressu og síðast en ekki síst hlaupa allan liðlangan leikinn.

Stóri munurinn á okkur og hinum liðunum felst aðallega í spyrnugetu og þá aðallega sendinga og móttöku getu (í stuttu máli öryggi á boltanum). Það er akkúrat sá hlutur sem við erum að reyna að laga sem mest hjá okkur en jafnframt sá hluti sem erfiðast er að æfa á Ásvöllum með svona ungar stelpur. Ástæðan er kuldi og vindur og slíkt því erfitt er að halda uppi miklu tempói á þessum aldrei í sendingaæfingum.

Næstu tvær vikur fram að Goðamóti munu fara einungis í þetta atriði og hver veit, kannski stríðum við Blikum á Goðamótinu :)

En ég þakka ykkur stelpur fyrir samt sem áður skemmtilegan dag, maður fer ekki í gegnum lífið í boltanum taplaus en ef maður eflist við hverja raun er öruggt að maður mun ná árangri fyrr en síðar!

kv. Jónsi

Flokkur: Bloggar | 17.2.2013 | 22:11 (breytt kl. 22:41) | Facebook