Myndasamkeppni á Pæjumóti

 Jæja stelpur nú er um að gera að taka þátt og smella af skemmtilegri mynd og vinna þetta!!!

Nú styttist heldur betur í Pæjumót TM í Vestmannaeyjum og ég býst við því að það sé góð stemning hjá stelpunum í Haukum fyrir því ;-)

Þú hefur kannski heyrt af myndakeppni TM en við erum mjög spennt fyrir því að fá stelpurnar til að taka þátt, þær hafa örugglega mjög gaman af því að láta taka skemmtilega mynd af sér og vonandi fá verðlaun fyrir;-) Ég vona innilega að þú hvetjir stelpurnar til að taka þátt í þessum leik. Þetta er ekkert flókið bara fjör fyrir þær!

Keppnin felur í sér að hvert lið sendir inn mynd af pæjunum í góðum gír.
Við mælum með því að liðin bregði út af vananum og geri eitthvað spennandi og óvenjulegt á myndunum til að gera leikinn enn skemmtilegri. Það gæti verið sniðugt að hafa t.d. búningadag á æfingu og taka spennandi myndir, finna skemmtilegar staðsetningar um bæinn til að taka myndir af liðinu svo er alltaf gaman að taka myndir af stelpunum að spila á vellinum.

Nánari upplýsingar;
1.        Hvert lið má senda eina mynd.
2.        Liðin sem taka þátt verða að taka þátt í Pæjumóti TM.
3.        Mynd má senda á [e-mail]
4.        Skilafrestur mynda fyrir Eyjamótið er fyrir 11. júní.
5.        Myndirnar birtast á heimasíðu TM.is - Pæjumót. Facebooksíðu TM og Facebooksíðu fotbolti.net
6.        Við val á bestu mynd er farið eftir flestum „like" ásamt því mun dómnefnd  vinna krefjandi en skemmtilegt verk.
7.        Vegleg verðlaun verða afhent á Pæjumótunum fyrir skemmtilegustu myndina.

Verðlaunin eru út að borða og í bíó fyrir alla liðsmenn og þjálfara.

Gangi ykkur vel og góða skemmtun

Pæjukveðja frá TM