Haukar - 5.flokkur kvenna

Lokaspretturinn að hefjast

Sæl öll!

Jæja þá er lokaspretturinn á þessu keppnistímabili að hefjast. Ég á einungis eftir um 3 vikur með stelpunum og hlakka ég til að enda þetta sumar vel :-)

Í þessari viku voru tvær æfingar sem voru í raun meir til gamans en skyldu enda margir enn í sumarfríi. Í næstu viku, nánar tiltekið mánudaginn 12. ágúst fer hins vegar allt af stað á fullu aftur. Við æfum þá að venju mánudaga-fimmtudaga kl.10:30 alveg fram að skólabyrjun (sem eru þá tvær heilar vikur að ég held). Er skólinn hefst breytast tímarnir og æfingum fækkar lítillega.

Við eigum eftir fjóra leiki í Íslandsmótinu og verða þeir spilaðir sem hér segir:

-Miðvikudagur 14.ágúst (A-, B- og C-lið) leikið gegn Stjörnunni á Ásvöllum.

-Föstudagur 16.ágúst (A- og B-lið) leikið á Ásvöllum gegn Selfoss (þessum leik var upphaflega frestað, átti að vera í júní og þessi leiktími hefur ekki enn verið staðfestur).

-Miðvikudagur 21.ágúst (A-, B- og C-lið) leikið gegn Víking í Víkinni (Fossvogi).

-Föstudagur 23. ágúst (A-, B-, og C-lið) leikið gegn Fylki á Ásvöllum.

Bið ykkur um að taka þessa daga frá eða láta mig vita sem allra fyrst ef ljóst er þegar að stelpan ykkar kemst ekki að spila einhvern þessara leikja. Flestir hefjast þeir á bilinu kl. 16.00-18.00 á leikdegi.

Að lokum biðst ég svo afsökunar á að æfingar þessarar viku hafi ekki verið tilkynntar hér á blogginu, ég tilkynnti þær á Facebook en það gleymdist að setja þær hér, að sjálfsögðu er ætlunin að allt komið hér samtímis enda ekki allir foreldrar með facebook.

kv. Jónsi

Flokkur: Bloggar | 8.8.2013 | 11:26 (breytt kl. 11:29) | Facebook