Haukar - 5.flokkur kvenna

Goðamótið

Komið þið sæl.

Við ætlum að hittast á Ásvöllum kl. 7:45 á föstudaginn og raða í bíla. Planið er svo að stoppa einu sinni á leiðinni til að borða og er það hverjum í sjálfsvald sett hvort hann sendi sitt barn með pening fyrir þeirri máltíð eða nesti. Á leiðinni heim er líka áætlað að stoppa einu sinni og þá þarf hver og ein að hafa pening fyrir því (hamborgara/samlokutilboð kostar í kringum 1000 krónur).

Á Akureyri ætlum við að hittast kl. 14:00/14:30 í Glerárskóla (gististaður) og koma okkur fyrir. Þar fá stelpurnar hressingu og reima á sig takkaskóna. Við eigum fyrsta leik kl. 16:15. Við erum með þrjú lið á mótinu og spilar hvert þeirra 7 leiki á þessum þremur dögum. Það verða því næg verkefni fyrir alla. Á laugardagskvöldinu er planið að fara í Keilu kl. 20:00 (það er inni í gjaldinu sem stelpurnar eru búnar að greiða) og svo munu öll liðin skella sér á Brynjuís á einhverjum tímapunkti (liðsstjórar finna heppilegan tíma í það fyrir sitt lið). Móti lýkur kl. 13:00 á sunnudaginn.

Stelpurnar þurfa að hafa meðferðis: dýnu, svefnpoka/sæng, kodda, keppnisgalla, takkaskó, legghlífar,markmannshanska (markverðir), leggings, föt til skiptanna, nærföt, sokka, tannbursta, tannkrem, sundföt, handklæði, spil, hlý föt, pening fyrir mat á leiðinni heim. Svo hefur myndast sú hefð að allar komi með bakkelsi fyrir kvöldkaffi J Reynið þó að stilla farangri í hóf, það er ekki mikið pláss í bílunum.

Liðin: Við ákváðum að skipta í lið að einhverju leyti eftir aldri. Þannig eru stelpur á eldra ári í liðum 1 og 2 en stelpur á yngra ári í liðum 2 og 3. Öll liðin okkar eru skipuð flottum og frambærilegum leikmönnum. Leikjaplanið er komið á heimasíðu mótsins: http://mot.thorsport.is/mot/Frett.aspx?ID=551

Lið eitt: Allý, Ágústa, Gurrý (fyrirliði), Unnur, Auður Rán, Aníta og Dagbjört Freyja. Lið tvö: Auður Gests, Elín, Erla (fyrirliði), Dagbjört Ylfa, Birta, Margrét og Karen (Þuríður Ásta verður skiptimaður í þessu liði). Lið þrjú: Salka, Berghildur, Birgitta, Rakel, Hólmfríður, Ástrós og Þuríður Ásta (fyrirliði). Leikmenn úr liði tvö skiptast svo á að vera skiptimenn í liðum eitt og þrjú.

Verkefni foreldra: Okkur vantar einn til tvo liðsstjóra á hvert lið hvern dag mótsins sem fer með þeim í mat, gætir þess að þær séu mættar á réttan völl á réttum tíma, fer með þeim á Brynjuís o.s.frv. Einnig vantar foreldra til að fara með þeim í Keilu á laugardeginum og einhvern til að gista í skólanum með okkur. Vinsamlega skráið ykkur á verkefni með því að ,,kommenta” hér neðar.

Þetta verður rosalega gaman hjá okkur en við verðum að geta þess að enn vantar far fyrir tvo leikmenn. Það er auðvitað afleitt að tekin sé ákvörðun á vel sóttum fundi um að fara á einkabílum því nóg pláss átti að vera fyrir alla þegar svo reynist svo ekki vera. Okkur þjálfurum finnst það ekki eiga að vera okkar verkefni að útvega leikmönnum far á mót en eins og staðan er núna verður ekki hægt að fara með alla nema við förum bæði á bíl. Við látum þetta einhvern veginn ganga en vonum innilega að hægt sé að finna aðra lausn á þessu.

Bestu kveðjur, þjálfarar.

Flokkur: Bloggar | 26.2.2014 | 19:34 | Facebook