Haukar - 5.flokkur kvenna

Einkun mánudagsæfingar

Sælar stelpur!

Því miður hef ég ekki haft tíma til að skrifa umsögn um æfinguna ykkar í gær, né þá frá mánudeginum áður.

En einkunir fyrir báðar æfingar var 9 og þið eruð því komnar í verðlaunaæfingu á sunnudag ef þið eigið góða æfingu hjá Kristjáni á morgun.

Verðlaun sunnudagsins eru þau að þið fáið að spila allan tímann :)

kv. Jónsi

Tilkynning frá íþróttastjóra!

Kæru forráðamenn

Nú þurfa þeir sem eiga eftir að ganga frá æfingagjaldi fyrir barnið sitt að gera það sem allra fyrst.

Nú er það svo að eftir því sem líður á þá lækkar niðurgreiðslustyrkurinn sem í boði er frá bænum og þá þurfið þið forráðamenn góðir að greiða hærri upphæð.

Best er að fara í gegnum hafnarfjordur.is – mínar síður og klára að ganga frá greiðslu þar, munið að haka við þar sem stendur „Nota íþrótta- og tómstundastyrk“.

Mikilvægt er að ganga frá æfingagjaldi síns barns fyrir 1. nóv. Eftir það gildir sú regla, sem tekin var í notkun nú á þessu tímabili, að þeir iðkendur sem ekki hafa verið skráðir og greidd æfingagjöld fyrir, hafa ekki heimild til að taka þátt í mótum/leikjum á vegum félagsins. Þetta er gert til að allir sitji við sama borð varðandi greiðslu æfingagjalda.

Einnig minni ég á að hægt er að skipta æfingagjaldi í allt að 11 mánuði hvort sem er með greiðsluseðlum eða á kreditkort.

Með von um jákvæð viðbrögð,
Guðbjörg Norðfjörð
Íþróttastjóri Hauka

Einkun fyrir mánudagsæfingu 8.okt

Sælar stelpur og sælir foreldrar/forráðamenn!

Hér kemur einkun fyrir síðustu mánudagsæfingu, en hún gekk bara nokkuð vel!

1.Stundvísi:9 (Flestar mættu á réttum tíma)

2:Kurteisi: 10 (Hlustuðu mjög vel og það þurfti engin að spjalla neitt áð meðan þjálfari talaði)

3:Einbeiting: 7,5 (Það vantaði aðeins upp á einbeitinguna í æfingunum, of stutt í spjallið og of mikið um fíflaskap í spilinu)

4:Koma sér að verki: 9 (Voruð nokkuð snöggar að koma ykkur að verki!)

5:Frágangur: 9,5 (Við vorum eldsnögg að ganga frá en nokkrar hjálpuðu þó ekki til).

Heildareinkunn æfingarinnar er því 9. Sem verður að teljast mjög góð æfing og flest gekk vel, við skulum samt passa upp á að nýta tíman betur í spilinu og æfingunum sjálfum til að æfa okkur en ekki spjalla. En í heildina bara gott, áfram svona dömur!

Æfing á morgun

Sælar stelpur!

Vildi minna ykkur á að það er æfing kl.12:00 inni í Risanum á morgun (sunnudag)!

kv. Jónsi

Einkun fyrir æfinguna í gær

Sælar stelpur og forráðamenn!

Takk fyrir góðan fund í gær, gaman að fá að sjá framan í ykkur!

En stelpur hér er einkun fyrir æfinguna í gær...

Einkunin fyrir mánudagsæfinguna skiptist svona:

1.Stundvísi:10 (Allar á réttum tíma)

2:Kurteisi: 9 (Hlustuðu vel þó nokkrar hafi aðeins þurft að spjalla)

3:Einbeiting: 8 (Byrjuðu spilið á smá kæruleysi en svo varð það mjög gott)

4:Koma sér að verki: 9,5 (Voruð mjög snöggar að koma ykkur að verki, glæsilegt!)

5:Frágangur: 9,5 (Gengu vel frá og voru snöggar að því).

Heildareinkunn (meðaltal hinna): 9,2 (æfingin var mjög góð. Þið voruð fljótar að koma ykkur að verki, hlustuðuð vel og voruð fljótar að ganga frá. Það eina sem hefði mátt vera betra er að ná betri einbeitingu í spilið (spjalla og fíflast aðeins minna ;). Annars glæsilegt!)

Foreldrafundur á mánudagskvöld

Sælir foreldrar,

Það gleymdist víst að láta mig vita að það er foreldrafundurá mánudagskvöldið kl.19:30 á Ásvöllum. Það er hér með komið til skila og vonandi komist þið sem flest!

kv. Jónsi

Einkunn fyrir mánudagsæfinguna

Sælir forráðamenn og sælar stelpur! :) Eins og ég hef rætt við stelpurnar þá ætla ég reglulega að gefa þeim einkunn fyrir æfingar svo bæði þær geti vitað hvers er til ætlast af þeim á æfingum og einnig til þess að þið foreldrar getið fylgst með frammistöðu þeirra á æfingum almennt séð.

Þetta er auðvitað meira til gamans gert og ekkert hávísindalegt, þetta er huglægt mat þjálfara hverju sinni oghugsanlega getur skapferli þjálfara þennan tiltekna dag haft áhrif á einkunnagjöfina en það verður reynt að forðast það af bestu getu !! :)

Einkunninni skiptum við í eftirfarandi þætti:

1.Stundvísi á æfingu (því fleiri sem mæta á réttum tíma því hærri er einkunin).

2.Kurteisi gagnvart þjálfara og öðrum iðkendum (segir sig nokkuð sjálft en það er t.d. ókurteisi að tala á meðan þjálfarinn er að tala, sérsaklega ef hann hefur beðið um þögn fyrirfram).

3.Einbeiting í framkvæmd æfinga (hvernig stelpurnar standa sig í æfingunni og raun bara hvort þær eru að gera sitt besta og hlíða fyrirmælum).

4.Að koma sér að verki (hversu fljótar þær eru að koma sér að verki eftir að fyrirmæli hafa verið gefin).

5.Frágangur og virðing fyrir eigum félagsins (einkunin hér fer eftir því hversu margar hjálpast að við að ganga frá eftir æfingu og hversu hratt frágangur gengur fyrir sig ásamt almennri virðingu fyrir hlutunum, t.d. ekki skilja neitt eftir eða fara illa með).

Þegar stelpurnar hafa náð 3 æfingum í röð með fyrstu einkunn (sem er 8 og yfir) þá fá þær að sjálfsögðu umbun, sem er oftast nær fólgin í því að fá að spila nær allan tímann á einni æfingu :)

Einkunin fyrir mánudagsæfinguna skiptist svona:

1.Stundvísi:8,5 (flestar á réttum tíma)

2:Kurteisi: 7,5 (alls ekki dónalegar en mættu hlusta betur strax)

3:Einbeiting: 7 (þurfum að vinna í þessu, ekki allar að gera sitt besta)

4:Koma sér að verki: 4 (erum alltof lengi að koma okkur að verki)

5:Frágangur: 8 (Gengu vel frá öllu en hefðu mátt vera sneggri).

Heildareinkunn (meðaltal hinna): 7 (æfingin var að flestu leiti góð en við getum betur. Þið hefðuð náð töluvert betri æfingu með því að vera fljótari að koma ykkur að verki, munið það næst :)).

Áríðandi tilkynning!

Kæru forráðamenn

Nú er búið að opna fyrir kerfið sem sér um að taka á móti skráningu og greiðslu æfingagjalda. Það er búið að samkeyra kerfið (Nóri) við Hafnarfjarðarbæ og nú er hægt að fá niðurgreiðsluna strax með því að fara í gegnum mínar síður hjá Hafnarfjarðarbæ eða að fara í gegnum haukar.is sem leiðir ykkur á mínar síður.
Þetta er breyting frá því sem áður var því nú greiða forráðamenn mismuninn milli heildaræfingagjalds og niðurgreiðslu. Hafnarfjarðarbær greiðir síðan mánaðarlega beint til íþróttafélaganna niðurgreiðsluhlutann.
Þannig að það sem áður var eins og það að fara inn á íbúagátt og merkja við niðurgreiðslu þrisvar yfir árið er ekki lengur til, einng þá fá forráðamenn strax niðurgreiðsluna og þurfa því ekki að fá endurgreitt frá félaginu.

Það helsta við þetta nýja kerfi er að forráðamenn verða að ganga frá æfingagjaldinu í síðasta lagi 10. október til að fá fulla niðurgreiðslu. Ef það tefst fram til 11. október þá fellur niður endurgreiðsla fyrir sept., ef skráð er 1.nóv. þá fellur niður greiðsla fyrir okt. o.s.frv. Við hvetjum því forráðamenn til að ganga frá greiðslu sem fyrst.

Hægt er að greiða með kreditkorti og skipta greiðslum í að hámarki 12 greiðslur – enginn aukakostnaður.
Einnig er hægt að greiða með greiðsluseðli og skipta greiðslum í að hámarki 12 greiðslur – hér er rukkað svokallað þjónustugjald sem er ca. 450 krónur á hverja greiðslu.

Hægt er að fá leiðbeiningar um hvernig skráning fer fram á slóðinni http://haukar.is/ibuagatt.
Við vekjum athygli á því að það verður að ganga frá greiðslu til að fá niðurgreiðsluna.

Æfing í dag og á miðvikudag

Ég vildi bara minna á æfingar í dag, mánudag kl.15:30 og svo á miðvikudag kl.15:30. Við erum að taka því frekar rólega í september en frá og með október byrjun setjum við allt á fullt. Þá hefjast æfingar einnig í risanum og við förum að spila æfingaleiki.

Stefnan er að taka 1-2 æfingaleiki í október auk þess að taka allavega tvo í nóvember og hugsanlega einn í desember.

kv. Jónsi